Нийт Сонгинохайрханчууддаа шинэ оны мэндийг дэвшүүлж, ажил хөдөлмөрт нь өндөр амжилт. гэр бүлд нь эрүүл энх, аз жаргал сайн сайхан бүхнийг хүсэн ерөөн мэндчилж байна.
Монгол Улсын Их Хурлын 1992 оны 18-р тогтоолоор Нийслэл Улаанбаатар хотын Октьябрийн районыг Баянгол, Сонгинохайрхан дүүрэг болгон өрх тусгаарлан байгуулж үүссэн түүхтэй. Сонгинохайрхан дүүргийн нутаг дэвсгэрийн үйлдвэр аж ахуйн нэгж, байгууллагууд, нийт иргэд, хөдөлмөрчид дүүргийнхээ хөгжил дэвшил бүтээн байгуулалтад өөрийн хувь нэмрээ оруулсаар ирснийг тэмдэглэхэд таатай байна.
Дүүргийн нийгэм эдийн засгийг 2009-2012 онд хөгжүүлэх Засаг Даргын үйл ажиллагааны хөтөлбөрийн зорилт нь дүүргийнхээ хөгжлийн тулгамдсан асуудлыг ээлж дараатай шийдвэрлэх, төрийн байгууллагуудаас иргэдэд үзүүлэх үйлчилгээг шинэ шатанд гаргах, соёл, боловсрол, эрүүл мэндийн үйлчилгээг боловсронгуй болгох, "Цахим" засаглалыг нэвтрүүлэн төсөв санхүүгийн эх үүсвэрийг сайжруулж, нийгмийн салбарын ажил үйлчилгээний чанар үр нөлөөг хүртээмжтэй болгож, байгаль орчин экологи хот байгуулалтын асуудлыг цогцолбороор шийдвэрлэхэд чиглэгдэж байна.