Нийслэлийн Сонгинохайрхан дүүрэг үүсч байгуулагдсаны 15-н жилийн ойг тохиолдуулан нийт Сонгинохайрханчууд мэндчилгээ дэвшүүлье.
Монгол Улсын ИХ Хурлын 1992 оны 18-р тогтоолоор Нийслэл Улаанбаатар хотын Октьябрын район-ыг Баянгол Сонгинохайрхан дүүрэг болгон өрх тусгаарлан байгуулж үүссэн түүхтэй. Сонгинохайрхан дүүргийн нутаг дэвсгэрийн үйлдвэр аж ахуйн нэгж, байгууллагууд, нийт иргэд, хөдөлмөрчид дүүргийнхээ хөгжил дэвшил бүтээн байгуулалтад өөрийн хувь нэмрээ оруулсаар ирснийг тэмдэглэхэд таатай байна.
Дүүргийн нийгэм эдийн засгийн 2004-2008 онд хөгжүүлэх Засаг Даргын үйл ажиллагааны хөтөлбөрийн зорилт нь Дүүргийнхээ хөгжлийн тулгамдсан асуудлыг ээлж дараатай шийдвэрлэх төрийн байгууллагуудаас иргэдэд үзүүлэх төрийн үйлчилгээг шинэ шатанд гаргах соёл боловсрол эрүүл мэндийн үйлчилгээг боловсронгуй болгох. Цахим засаглалыг нэвтрүүлэн төсөв санхүүгийн эх үүсвэрийг нэвтрүүлэх, гадаад харилцааг өргөжүүлж нийгмийн салбарын ажил үйлчилгээний чанар үр нөлөөг хүртээмжтэй болгох. Байгаль орчин экологи хот байгуулалтын асуудлыг цогцолбороор шийдвэрлэн хууль ёсыг сахиулахад чиглэгдэж байна. Төрөлх дүүргээ хөгжүүлэн улс эх орныхоо хөгжил дэвшил сайн сайхан ирээдүйг бүтээн байгуулахын төлөө та бүхэнтэй хамтран хөдөлмөрлөж тодорхой үр дүнд хүрч байгаадаа баяртай байна.
Сонгинохайрхан дүүргийн хөгжил дэвшлийн төлөө таны үнэтэй санал санаачлага, бүтээлч үйл ажиллагаа улам өрнөж дүүргээ гэсэн сэтгэл итгэл, зүтгэлээр дүүрэн байж, цаашдын ажил хөдөлмөр нь амжилт бүтээлээр арвин эрүүл энх аз жаргалтай түвшин байхыг хүсэн ерөөе.

Сонгинохайрхан дүүргийн

ИРГЭДИЙН ТӨЛӨӨЛӨГЧДИЙН ХУРЛЫН ДАРГА Д.БАЯРСАЙХАН
ЗАСАГ ДАРГА Л.НАЙДАН