СУРГУУЛЬ, ЦЭЦЭРЛЭГИЙН ЗАСВАР ШИНЭЧЛЭЛИЙН АЖЛЫГ ДУУСГАХ ҮҮРЭГ ӨГЛӨӨ

Хорооны засаг дарга нарын шуурхай хурал өнөөдөр боллоо. Хуралдаанаар өмнөх хурлаас өгсөн үүрэг даалгаврын биелэлтийг хэлэлцээд сурагчдын зорчих замд байрлах явган хүний гарц, гэрлэн дохио, замын тэмдэг, тэмдэглэгээг сайжруулах, эвдэрч, гэмтсэн нийтийн эзэмшлийн явган зам, талбайг засварлах, мал, амьтны халдварт болон гоц халдварт өвчнөөс урьдчилан сэргийлэх чиглэлээр шаардлагатай арга хэмжээг холбогдох байгууллагуудтай хамтран зохион байгуулж ажиллах, хичээлийн шинэ жилийн өргөтгөсөн худалдааг дүүргийн хэмжээнд зохион байгуулахыг үүрэг болголоо.