Үерийн далангийн орчмын айл өрхийг үерээс хамгаалах, голын болон уруйн үер, халиа тошинд автах эрсдэлийг бууруулах зорилгоор дүүргийн Засаг даргын тамгын газар, НҮБ-ын Хапитат, Дасан зохицох сан, "Хөгжлийн шийдэл" ТББ хамтран 4, 5, 26, 27 дугаар хороо, нийт 4 хорооны газар нутгийг хамарсан үерийн далан суваг барих ажлыг гүйцэтгэсэн.
Толгойтын гол дагуух 2.2 км үерийн далан сувгийн ажил нь үерийн далангийн орчмын айл өрхийг үерээс хамгаалах, голын болон уруйн үер, халиа тошинд автах эрсдэлийг бууруулахад онцгой ач холбогдолтой.
“Гэр хорооллын иргэдийн үерийн эрсдэлийг тэсвэрлэх чадавхыг бэхжүүлэх” төслийн хүрээнд хийгдсэн дээрх ажилтай НҮБ-Хабитатын Гүйцэтгэх захирал Анаклаудиа Маринейро Сентено Россбах тэргүүтэй төлөөлөгчид танилцлаа.
Энэ үеэр дүүргийн Засаг дарга Ц.Баттөр төслийн ач холбогдол, үр дүнгийн талаар танилцуулга хүргэж үерийн далан суваг барих ажлыг цаашид үргэлжлүүлэх асуудлаар санал солилцлоо.
ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ТӨВ
ТАВАН ХОРООНД АВТОБУСНЫ ДУЛААН ЗОГСООЛЫГ АШИГЛАЛТАД ОРУУЛНА
Дүүргийн төрийн байгууллагын дэргэдэх ёс зүйн дэд хорооны гишүүдийг чадавхжуулах сургалтыг зохион байгууллаа
Хөгжлийн бэрхшээлтэй хүүхэдтэй эцэг эхчүүдэд зориулсан өртөөчилсөн арга хэмжээ зохион байгуулагдлаа
