Нийслэлийн Засаг Даргын тамгын газар, Сонгинохайрхан дүүргийн Жижиг дунд үйлдвэрийг дэмжих мэдээлэл сургалтын төв, Азийн хөгжлийн банк, Европын хөрөнгө оруулалтын банктай хамтран “Улаанбаатар хотын гэр хорооллыг хөгжүүлэх хөрөнгө оруулалтыг дэмжих хөтөлбөр”-ийг хэрэгжүүлж байна. Тус хөтөлбөрийн хүрээнд Бичил, жижиг дунд үйлдвэрлэл эрхлэгчдийг дэмжих төслийн тоног төхөөрөмжийн дэмжлэг авах иргэдийн сонгон шалгаруулалт эхэллээ. Тус шалгаруулалтад зорилтот хороод болох Сонгинохайрхан дүүргийн 7, 8, 9, 10, 11, 28, 40-р хороонд оршин суудаг эсвэл эдгээр хороодын аль нэгт бичил, жижиг, дунд үйлдвэр эрхэлдэг бол дэмжлэгт хамрагдах сонгон шалгаруулалтад оролцох боломжтой юм.