Эрхэм хүндэт Сонгинохайрхан дүүргийн иргэд та бүхэнд шинэ оны мэнд дэвшүүлж, хамгийн сайхан бүхнийг хүсэн ерөөж мэндчилье.

Улиран шилжиж буй 2021 он бидний хувьд боловсрол, эрүүл мэнд, дэд бүтцийн шинэчлэлийг өрнүүлсэн, ололт амжилт, их бүтээн байгуулалтаар өрнүүн жил өнгөрлөө.

Миний бие Сонгинохайрхан дүүргийн Засаг даргаар томилогдсоноос хойш нэг жилийн хугацаанд дэлхий нийтийг хамарсан цар тахлын тархалтыг хумих улс, нийслэлийн удирдлагуудын чиг үүргийг хэрэгжүүлэхийн хажуугаар иргэд ээлтэй орчныг сайжруулахын тулд хамт олны хамтаар хичээн ажиллалаа.