Сонгинохайрхан дүүргийн 32-р хороо 24 цагийн турш ажиллах боломжтой зөөврийн “Ухаалаг худаг”-тай боллоо. Тус хорооны усан хангамжийг сайжруулах зорилгоор ЗДТГ, Тайваний Хүүхэд гэр бүлийг дэмжих Сангийн Монгол дахь төлөөлөгчийн газартай хамтран ажиллалаа. Энэхүү ухаалаг буюу хоногийн аль ч үед иргэдэд ус түгээх зориулалттай худаг ашиглалтад орсноор тус хорооны 700 гаруй өрх цэвэр, аюулгүй, баталгаатай ундны усаар хангагдах боломж бүрдэж байна. Тус худгийн гүйцэтгэлийг хамтран хэрэгжүүлэгч талын төлөөллүүд болон тус хорооны иргэд хамтдаа дүгнэн, хүлээн авлаа.