Сонгинохайрхан дүүргийн Засаг дарга Н.Алтаншагайн санаачилгаар гар урлаачид, оёдлын бизнес эрхлэгчдийн нэгдсэн чуулга уулзалт болсон билээ. Чуулга уулзалтад 346 мянган иргэдийн төлөөлөл болсон 300 гаруй оёдолчин, гар урчууд оролцсон. Уулзалтын гол зорилго нь урт болон дунд хугацааны бодлого хөтөлбөрийн хэрэгжилтийг хангах оёмол бүтээгдэхүүний эрэлт ихтэй төрийн болон томоохон аж ахуйн нэгж байгууллагыг оёдлын үйлдвэрлэл эрхлэгчидтэй холбох, бүтээгдэхүүний чанарыг сайжруулан зах зээлийг нь дэмжих замаар хөдөлмөр эрхлэлтийг нэмэгдүүлэх юм.