Ахмад настанд хүндэтгэл үзүүлэх тухай

2022.01.24                                          Дугаар A/26                                Улаанбаатар хот

      Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, Ахмад настны тухай хуулийн 12 дугаар зүйлийн 12.4, Төсвийн тухай хуулийн 14 дүгээр зүйлийн 14.2.3, 41 дүгээр зүлийн 41.2.2, дахь заалтыг тус тус үндэслэн ЗАХИРАМЖЛАХ нь:

1. Цагаан Сар-Билгийн тооллын хаврын тэргүүн сарын шинийн нэгний  өдрийг тохиолдуулан дүүргийн өндөр настай ахмад настнуудад  хүндэтгэл үзүүлэх ажлыг зохион байгуулсугай.

   2.Хүндэтгэл үзүүлэх арга хэмжээнд шаардагдах зардлын тооцоог хавсралтаар баталж, зарцуулагдах  65,291,500 (Жаран таван сая хоёр зуун ерэн нэгэн мянга таван зуун) төгрөгийг  Тамгын газрын төсвөөс гаргахыг Засаг даргын Тамгын газар /Д.Төмөрбаатар/-т зөвшөөрсүгэй.

              3.Захирамжийн хэрэгжилтийг хангаж, үр дүнг танилцуулж ажиллахыг дүүргийн Нийгмийн салбарын төслүүдийн удирдагч-дүүргийн Засаг даргын орлогч (Т.Вандандорж)-д даалгасугай.

.   

ЗАСАГ ДАРГА                                              Н.АЛТАНШАГАЙ