2015 оны 03 дугаар сарын 02

            Сонгинохайрхан дүүргийн хороодын Засаг дарга нарын ээлжит шуурхай зөвөлгөөн 03 дугаар сарын  02-ны өдрийн 14⁰⁰ цагаас дүүргийн  Иргэний танхимд   93,7 хувийн ирцтэйгээр зохион байгуулагдав.

            Хороодын шуурхай зөвөлгөөнийг дүүргийн Засаг даргын Тамгын газрын дарга С.Мөнхчулуун удирдан явуулсан. Шуурхай зөвлөгөөнөөр монгол цэргийн өдрийг тэмдэглэн өнгөрүүлэх  арга хэмжээний талаар, Хүн ам, өрхийн мэдээллийн сангийн бүрдэлтийн явцийн талаарх мэдээлэл,  Дүүргийн тохижилт цэвэрлэгээний асуудлын талаар товч мэдээлэлүүдийг сонсолоо.

            Өнгөрсөн 14 хоногт хийж гүйцэтгэсэн ажлын товч мэдээлэл, цаашид хийж хэрэгжүүлэх ажил, хороодод өгөх үүрэг даалгаварыг өглөө.

            Өнгөрсөн хугацаанд хороодод тулгамдаж байгаа асуудлуудыг хүлээн авч нэгтгэн шийдвэрлэлтэнд хяналт тавин ажиллаж хэрхэн шийдвэрлэсэн тухай мэдээг   дүүргийн вэб сайтад байршуулан ажилласан. Хороодод тулгамдаж байгаа  нийт 62 асуудлаас  55  асуудлыг  шийдвэрлэсэн. Шийдвэрлэлтийн явц  88,7 хувьтай байна.