Тэргүүний тохижилттой, жагсаалч анги, байгууллага шалгаруулах “Монгол цэргийн жавхаа” уралдааны 1 дүгээр шатны шалгаруулалт 2015 оны 03 дугаар сарын 15-наас 04 дүгээр сарын 25-ны өдөр хүртэл хугацаанд Улаанбаатар цэргийн хүрээний анги байгууллагуудын дунд зохион байгуулагдаж байна.

Энэхүү уралдаанд Зэвсэгт хүчин, Хилийн цэргийн 30 гаруй анги байгууллагууд оролцож, тус дүүргийн нутаг дэвсгэрт байрладаг анги байгууллагуудаас Зэвсэгт хүчний 150, 017, Хилийн цэргийн 0151 дүгээр ангиуд эхний 9 дүгээр байранд шалгарч 2 дугаар шатанд оролцох болоод байна.

  “Монгол цэргийн жавхаа” уралдаан нь иргэн цэргийн харилцааг бэхжүүлэх, цэргийн албан хаагчдын ажиллаж амьдрах эрүүл аюулгүй орчин бүрдүүлэх, бие бялдарын түвшин, цэргийн албаны үнэлэмжийг дээшлүүлэх, цэргийн жагсаалаар дамжуулан иргэдэд эх оронч, үндэсний бахархалт үзлийг бий болгох зорилготой юм.