Нийслэлийн газар зохион байгуулалын албанаас наймдугаар хорооны бага сургууль баригдаж байгаа газрын хажууд хорооны цогцолбор барилгыг барихаар төлөвлөсөн. Тухайн байршилд хорооны цогцолбор барилгыг байгуулахад ашиглалтын зардал өндөр бөгөөд иргэд төв замаас 2 км зам туулж төрийн үйлчилгээ авах шаардлага тулгарч байгаа. Тиймээс хорооны цогцолбор барилгыг шинээр барихдаа дэд бүтэц төлөвлөгдсөн, эрчим хүч, дулааны шугам сүлжээ, инженерийн барилга байгууламж нь бүрэн шийдэгдсэн талбайд  хорооны цогцолбор барилгыг барих ажлыг судалж, холбогдох газар санал хүргүүлэхээр боллоо.