Хөдөлмөр эрхлэлтийг дэмжих ажил

зохион байгуулах тухай

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дүгээр зүйлийн 66.1, Хөдөлмөр эрхлэлтийг дэмжих тухай хуулийн 6 дугаар зүйлийн 6.3.2, 6.3.7 дахь заалт, 30 дугаар зүйлийн 30.3.3 дахь заалт, Төсвийн тухай хуулийн 14 дүгээр зүйлийн 14.2.3 дахь заалт, 41 дүгээр зүйлийн 41.2.2 дахь заалт, дүүргийн Иргэдийн Төлөөлөгчдийн Хурлын Тэргүүлэгчдийн 2020 оны 01/03, 2021 оны А/23, 2022 оны 9/3 дугаар тогтоолыг тус тус үндэслэн ЗАХИРАМЖЛАХ нь:

1.Хөдөлмөр эрхлэлтийг нэмэгдүүлэх зорилгоор ажилгүй, ажил хийхэд бэлэн, ажил идэвхтэй хайж байгаа хөдөлмөрийн насны хөдөлмөрийн чадвартай иргэнийг нярав, тогооч-нарийн боовчин мэргэжлийн сургалтад хамруулах “МЭРГЭЖИЛТЭЙ, АЖИЛТАЙ ЗАЛУУС-2” арга хэмжээг 2024 оны 10 дугаар сарын 07-ны өдөр зохион байгуулсугай. 

2.Арга хэмжээг зохион байгуулах зардлын тооцоог хавсралтаар баталж, шаардагдах 19,978,500 (Арван есөн сая есөн зуун далан найман мянга таван зуу) төгрөгийг Засаг даргын үйл ажиллагааны хөтөлбөрийг хэрэгжүүлэх зардлаас гаргахыг Тамгын газар (Д.Төмөрбаатар)-т зөвшөөрсүгэй.

3.Захирамжийн хэрэгжилт, үр дүнг танилцуулж ажиллахыг дүүргийн Засаг даргын орлогч (Б.Баттулга)-д үүрэг  болгосугай.

ЗАСАГ ДАРГА                                                 Б.ХУЯГБААТАР