Хүүхдийн найрал дууны

уралдаан зохион байгуулах тухай

 

Монгол Улсын Засаг захиргаа нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, Хүүхдийн эрхийн тухай хуулийн 17 дугаар зүйлийн 17.1.2, 17.1.5 дахь заалт, Төсвийн тухай хуулийн 14 дүгээр зүйлийн 14.2.3, 41 дүгээр зүйлийн 41.2.2 дахь заалтыг   тус тус үндэслэн ЗАХИРАМЖЛАХ нь:

1.Жил бүр уламжлал болгон зохион байгуулдаг Монгол Улсын Хөдөлмөрийн баатар, Төрийн шагналт Ардын жүжигчин Д.Лувсаншарав агсны  нэрэмжит хүүхдийн найрал дууны шилдэг хамтлаг шалгаруулах уралдааныг 2024 оны 10 дугаар сарын 15-ны өдөр дүүргийн Хүүхэд залуучуудын театрт зохион байгуулсугай.

2.Уралдааны удирдамжийг 1 дүгээр, зардлын тооцоог 2 дугаар хавсралтаар  тус тус  баталж, шаардагдах  9,751,800 (Есөн сая долоон зуун тавин нэгэн мянга найман зуу) төгрөгийг Тамгын газрын төсвөөс гаргахыг Засаг даргын Тамгын газар  (Д.Төмөрбаатар)-т зөвшөөрсүгэй.

3.Захирамжийн хэрэгжилтийг хангаж, үр дүнг танилцуулж ажиллахыг дүүргийн Засаг даргын орлогч (Б.Баттулга)-д үүрэг  болгосугай.

 

 

ЗАСАГ ДАРГА                                                 Б.ХУЯГБААТАР