“Дээлтэй Монгол-2024” наадамд

оролцох тухай

 

     Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 66 дугаар зүйлийн 66.1, Төсвийн тухай хуулийн 14 дүгээр зүйлийн 14.2.3, 41 дүгээр зүйлийн 41.2.2 дахь заалт, Соёлын өвийг хамгаалах тухай хуулийн 17 дугаар зүйлийн 17.1.1 дэх заалт, Дүүргийн иргэдийн Төлөөлөгчдийн Хурлын Хуралдааны 2020 оны 03/01, Иргэдийн төлөөлөгчдийн Хурлын Тэргүүлэгчдийн 2021 оны А/23 дугаар тогтоолыг тус тус үндэслэн     ЗАХИРАМЖЛАХ нь:

1.Тулгар төрийн 2233, Их Монгол Улсын 818, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадам, “Үндэсний хувцасны өдөр”-ийг тохиолдуулан Жанжин Сүхбаатарын талбайд 2024 оны 7 дугаар сарын 09-ний өдөр зохион байгуулагдах “Дээлтэй Монгол” наадамд оролцсугай.

2.Зохион байгуулах ажлын хэсгийн бүрэлдэхүүнийг 1 дүгээр, удирдамжийг 2 дугаар, зардлын тооцоог 3 дугаар хавсралтаар баталж, 9,350,000 (Есөн сая гурван зуун тавин мянга) төгрөгийг Засаг даргын үйл ажиллагааны хөтөлбөрийг хэрэгжүүлэх зардлаас гаргахыг Тамгын газрын дарга (Д.Төмөрбаатар)-т зөвшөөрсүгэй.

3.Захирамжийн хэрэгжилтийг хангаж, үр дүнг танилцуулж ажиллахыг дүүргийн  Засаг даргын орлогч (Д.Ундармаа)-д үүрэг  болгосугай.

 

 

ЗАСАГ ДАРГА                                                   Н.АЛТАНШАГАЙ