Автобусны буудлын тохижилтын ажил хийж гүйцэтгэх тухай

Автобусны буудлын тохижилтын ажил

хийж гүйцэтгэх тухай

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 20 дугаар зүйлийн 20.1.14, 25 дугаар зүйлийн 25.1.10 дахь заалт, 66 дугаар зүйлийн 66.1 дэх хэсэг, Төсвийн тухай хуулийн 14 дүгээр зүйлийн 14.2.3 дахь заалт, 41 дүгээр зүйлийн 41.2.2 дахь заалт, дүүргийн Иргэдийн Төлөөлөгчдийн хурлын 2024 оны 18/09 дүгээр тогтоолыг тус тус үндэслэн ЗАХИРАМЖЛАХ нь:

1.Иргэдийн эрүүл, аюулгүй орчинд амьдрах эрхийг хангах, амьдрах орчныг  сайжруулах арга хэмжээний хүрээнд дүүргийн 41 дүгээр хорооны нутаг дэвсгэрт автобусны буудлын тохижилт хийх ажлыг зохион байгуулсугай.

2.Дээрх ажилд шаардагдах зардлын тооцоог зураг, төсвийн дагуу баталж, 17,250,000 (Арван долоон сая хоёр зуун тавин мянга) төгрөгийг Хот тохижуулах зардлаас гаргаж санхүүжүүлэхийг Засаг даргын Тамгын газар (Д.Төмөрбаатар)-т зөвшөөрсүгэй.

3.Захирамжийн хэрэгжилтийг хангаж, автобусны буудлын тохижилтын ажлыг чанарын өндөр түвшинд хийж гүйцэтгүүлэхийг дүүргийн менежер (Д.Баярсайхан)-т,  ажлын явц, гүйцэтгэлд хяналт тавьж ажиллахыг Захиалагчийн алба ОНӨААТҮГ (Д.Алтанхуяг)-т тус тус даалгасугай.

ЗАСАГ ДАРГА                                             Ц.БАТТӨР