ДҮҮРГИЙН АХМАДЫН СПОРТЫН VII ИХ НААДАМ БОЛЖ БАЙНА

Монгол Улсын биеийн тамир, спортын тухай хууль, дүүргийн Засаг даргын мөрийн хөтөлбөрийг хэрэгжүүлэх ажлын хүрээнд ахмад настны эрүүл мэндийг дэмжиж хөдөлгөөний дутагдлаас сэргийлэх, биеийн тамир, спортын арга хэмжээнд өргөнөөр татан оролцуулах, спортын ур чадварыг дээшлүүлэх зорилгоор дүүргийн ахмадын спортын VII их наадам болж байна.

Ахмадын спортын VII их наадмыг дүүргийн Засаг даргын Тамгын газар, Биеийн тамир, спорт хороо, Ахмадын хороо хамтран  зохион байгуулж байна. Уг их наадам 05 дугаар сарын 15-16-ны өдрүүдэд үргэлжлэх ба ахмадууд шатар, дартс, софт волейбол, ширээний шагай, шугаман бүжиг гэсэн төрлүүдээр хурд хүч, авхаалж самбаагаа сорьж байна.

ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ТӨВ