2015.05.22                                             А/205

            Монгол Улсын Засаг захиргаа, нутаг дэвсгэрийн нэгж түүний удирдлагын тухай хуулийн 29 дүгээр зүйлийн 29.2 дахь хэсэг,  Эрүүл мэндийн тухай хуулийн 11 дүгээр зүйлийн 11.2.3 дахь заалт, Засгийн газрын 2005 оны “Орчны эрүүл мэнд” үндэсний хөтөлбөр батлах тухай” 245 дугаар тогтоол,  2014 оны “Амьдралын буруу хэвшлээс үүдэлтэй өвчнөөс сэргийлэх, хянах үндэсний хөтөлбөр батлах тухай” 34 дүгээр тогтоолыг тус тус үндэслэн ЗАХИРАМЖЛАХ нь:

1. Дүүргийн нутаг дэвсгэр дэх нийтийн эзэмшлийн талбайд ургаж буй навчит төрлийн модны болон хөл, газрын ургамлын харшил, урвал үзүүлэх өвөрмөц идэвхтэй тоосжилт, үрлэлтийг хязгаарлах “Ургамлын тоосны харшилтай тэмцье” аяныг 2015 оны 05 дугаар сарын 15-ны өдрөөс 09 дүгээр сарын 10-ны өдрийг хүртэл хугацаанд зохион байгуулсугай.

            2. Зохион байгуулах ажлын хэсгийн бүрэлдэхүүнийг хавсралтаар баталсугай.

            3. Харшил үүсгэгч ургамлын хор нөлөө болон харшлаас урьдчилан сэргийлэх сургалт, сурталчилгааны ажлыг зохион байгуулахыг Эрүүл мэндийн төв /Ш.Хажидмаа/-д, сургалт сурталчилгаанд иргэдийг өргөнөөр хамруулан, өрхийн эрүүл мэндийн төвтэй хамтран ажиллахыг хороодын Засаг дарга нарт, үйл ажиллагаанд хяналт тавьж, нэгдсэн тайлан мэдээг гаргаж Нийслэлийн эрүүл мэндийн байгууллагад хүргүүлэхийг ажлын хэсэг /Н.Ганаа/-т тус тус үүрэг болгосугай.

 

ЗАСАГ ДАРГА                           М.ЧИНБОЛД

 

Сонгинохайрхан дүүргийн Засаг даргын

2015 оны____р сарын____-ний өдрийн

____р захирамжийн нэгдүгээр хавсралт

 

АЖЛЫН ХЭСГИЙН БҮРЭЛДЭХҮҮН

 

            Ажлын хэсгийн дарга:                   Н.Ганаа         

            Нийгмийн бодлогын асуудал хариуцсан

орлогч дарга

            Гишүүд:                                             С.Мөнхчулуун

                                                                        Засаг даргын Тамгын газрын дарга

                                                                        А.Пүрэвсүрэн

                                                                        Захиргаа хуулийн хэлтсийн дарга

                                                                        Б.Оюунбилэг

                                                                        Нийгмийн хөгжлийн хэлтсийн дарга

                                                                        Ш.Хажидмаа

                                                                        Эрүүл мэндийн төвийн дарга

                                                                        У.Буянболор

                                                                        Хэвлэл мэдээлэл, олон нийттэй харилцах

албаны дарга

                                                            Хороодын Засаг дарга нар

                                                            Өрхийн эрүүл мэндийн төвийн дарга нар

                                                           

Нарийн бичгийн дарга                             Т.Баярмаа

Нийгмийн хөгжлийн хэлтсийн Эрүүл мэнд,

биеийн тамир хариуцсан мэргэжилтэн