Цагдаагийн албаны тухай хууль шинэчлэгдэн батлагдсантай холбогдуулан эх бичвэрийг хүлээн авах, цагдаагийн албаны тухай хуулийн 9.1-д зааснаар цагдаагийн тангараг өргөх ёслол өнөөдөр морин цагт болж нийт 219 албан хаагч тангараг өргөлөө. Уг ёслолын ажиллагаанд Сонгинохайрхан дүүргийн Иргэдийн Төлөөлөгчдийн Хурлын дарга Б.Мөнхцэцэг, Засаг дарга Ж.Сандагсүрэн, Сонгинохайрхан дүүргийн прокурор хууль цаазын итгэмжит зөвлөх Б.Отгонбаяр болон дүүргийн Цагдаагийн нэгдүгээр хэлтсийн дарга, цагдаагийн хурандаа Ш.Цогтбаатар нар оролцлоо.