Монгол Улсын Ерөнхийлөгч цагаан сарын баярыг тэмдэглэхгүй байх, болзошгүй аюулаас урьдчилан сэргийлэх зарлиг гаргаж, Цагаан сарын баярт зориулсан олон нийтийг хамруулсан үзэсгэлэн худалдаа, мэдээллийн хэрэгслээр явуулах реклам сурталчилгааг даруй зогсоох шийд гаргасан.

Үүний дагуу дүүргийн Мэргэжлийн хяналтын хэлтсийн  улсын 6 байцаагч 43 хорооны 39 ААН-ийн худалдааны төв, хүнсний дэлгүүрт хяналт шалгалт хийж, 6 худалдааны төв,  хүнсний дэлгүүрт тусгайлан лангуу гаргаж, цагаан сарын үзэсгэлэн худалдаа зохион байгуулж байсныг зогсоож, хаяг рекламыг буулгууллаа.